تجربتي السياحة في اوربا رحلتنا على نمسا – هنغاريا
رحلتنا على نمسا – هنغاريا – وساعتين بالمانيا
رحلة 10 ايام ل 4 اخوة وتخطيطنا الشخصي
اعمارنا ( 18-21).
الرحلة كانت بدون حجز مسبق لمبيت للنوم،
حجزنا اول يوم وباقي الايام توكلنا على الله
يوم 1:
وصول لمطار ڤيينا وإستلام السيارة
والذهاب للهوستيل قريب على مركز المدينة ٢٠ د
اسمه Hostel Hütteldorf
وبما انه كان يوم أحد لفلفنا بشوارع ڤيينا على الخفيف .
يوم 2:
إنتقلنا من ڤيينا لمدينة سالزبورغ ( بعيدة3 ساعات بالسيارة)، مدينة سالزبورغ من اجمل المدن بالنمسا.. كان فيها حياة اكثر من ڤيينا وطبعًا اكثر خضار، هي كلها خضار اصلًا
وغير هيك هي مدينة الموسيقار العظيم موزارت
وغير هيك هي مدينة الموسيقار العظيم موزارتزرنا فيها
salzburg love lock bridge جسر العشاق بشبه جسر روميو وجوليت بباريس
Mozart Residence •
Mozart birthplace
متاحف بتعرض كل تفاصيل موزارت من ادواته وشجرة عيلته…
Salzburg Cathedral •
تعتبر من اكثر الكنائس شهرتًا في سالزبورغ بسبب كونها اول كنيسة مبنية على الطراز الإيطالي
وللمشتريات وتسوق
في شارع سالزبورغ المشهور فيه اكثر من 100 متجر بحيث بتقدرش تميز بين متجر ملابس ومطعم..
( ساعة كاملة واحنا ندور على الماكدونلدزز
)
)وحتى تحسّ بالجَوْ النمساوي في شارع يتفرع من السوق، فيه كيوشكات ( بسطات) ببيعوا فاكهة وخضار طازة من النمسا ( يختلف عن بلادنا)، ملابسهم التقليدية،وتماثيل وعدة بسطات مختلفة…( مش غالي).
المبيت كان في شقة بسالزبورغ اسمها One apartments
* مفضل بسالزبورغ اخذ zimmer او شقة لانه جدًا غالي المبيت ب hotel( ببلش من 170€ على ليلة )
يوم 3: إنتقلنا من معالم وحضارة سالزبورغ الى خضارها
( ببعد عن سالزبورغ 20 دقيقة في السيارة )
ذهاب الي جبل مرتفع اسمه Gaisberg
بحيث اعلى قمة في الجبل بتشوف كل سالزبورغ ( منظررر بخوث) وعلى قمة الجبل رائحة الخضار والطبيعة منتشرة بشكل واضح.
* زيارة بحيرة fuschl am see
* بحيرة mondsee
* بحيرة sankt gilgen اجمل بحيرة بينهن واجمل بحيرة بكل النمسا، حسب رأيي المنطقة هاي اجمل بكثيرررر من هالشتات، يعم فيها الهدوء، مياه البحيرة صافية وعاكسة على السماء، خضار مركز ،البيوت والفنادق لا يميز بينهن، اقل سياح فيها لقلة شهرتها،parking للسيارة (0-24hour) ب4€ !
، يعم فيها الهدوء، مياه البحيرة صافية وعاكسة على السماء، خضار مركز ،البيوت والفنادق لا يميز بينهن، اقل سياح فيها لقلة شهرتها،parking للسيارة (0-24hour) ب4€ !الإنتقال الى المبيت في قرية Eben
قرية كثير صغيرة عبارة عن 5-6 شوارع ،محاطة القرية بجبال شامخة، وطبعًا كلها خضار بخضار ( قرية من صغرها بوصلهاش الا السايح والتايه)
)المبيت كان بشقة اسمها Kesselgrubs wohlfühlappatments
يوم 4 : الإنتقال من قرية Eben الى Hallstatt
( بعد ساعة بالسيارة)
قبل هالشتات في قرية اسمها هالين فيها اقدم مناجم الملح في العالم !
وبسبب ثروتها بالملح صار في مدينة اسمها سالزبورغ.
كملنا على هالشتات المشهورة عالميًا
منطقة حلوة وغالية ( ليلة باحدى اكواخها ٢٥٠€)
كيف فهمنا انه شعبها كثير بضايق من السياح وبذات الصينين بسبب هوسهم بالصور الي لدرجة خصصوا الهم لافتة خاصة
بضايق شعبها بسبب كمية السياح القادمين
الي طبعًا عددهم يضاعف عدد الشعب
وبسبب التصوير المبالغ فيه
زي تصوير بيوتهم و سكان انفسهم ( في لافتات باب كل بيت بتمنع تصوير والدخول للبيت)
وايضًا في منع لكاميرة Drone
معلومة خفيفة من الصينين :
قسم من الشعب الصيني بسافر على النمسا بواسطة سيارتهم الخاصة، مدة السفر شهرين !
( في بالصور احدى سياراتهم ).
ثم الإنتقال الي بحيرة Gosauseen
البحيرة العاكسة، منطقة كثير هادية وحلوة.
والعودة الى المبيت في Eben
يوم 5 : حسب التخطيط الذهاب ل Dachstein Gletscher
بس فحصنا بموقعهم وكان 0 places لمدة يومين متتاليات ! وبدون حجز مسبق بتقدرش تروح
* الحجز مجاني بس بتسجل تفاصيل بسيطة واختيار موعد الي بناسبك،عند وصولك للمنطقة بتدفع،33€ للسلة الي بتوخذك وبترجعك للجبل و8-10€( حسب الجيل) للفعاليات ( كهف جليدي و مسار مشي فوق الجبال) يعتبر هاذ الجبل من اهم الجبال في النمسا،الي مرحش عليه زي مرحش على النمسا.
غيرنا وجهتنا الى جبال الكابرون kaprun
مشي في مسار خشبي بين جبلين قراب على بعض كثير حلو المنظر والمشي بداخله وبعد المسار في بحيرة حلوة كثير، صافية ولون مياها ممييز !،في امكانية تتفرع من مسار البحيرة الى طريق الجبل حتى توصل على قمة جبل وبتشوف منه كل الجبال الثانية .
ثم الإنتقال الى بلدة Zell am see
بلد معروفة بكثرة مطاعمها العربية وبسوقها الشعبي وببحيرتها،مشينا بسوقها الشعبي واخره كان استئجار قارب، استئجرنا قارب لمدة نصف ساعة الي بتقدر بالقارب تشوف كل Zell am see من جبال وطبيعة…
العودة الى المبيت في Eben ( بعد ساعة ونصف بالسيارة) .
يوم 6: الإنتقال من الخضار الى العمار
إنتقلنا من قرية Eben – النمسا الى العاصمة بودبيست – هنغاريا (بعيدة 7 ساعات بالسيارة 
)
)وصول الى شقة اسمها apartments in the center city ( ااه هيك اسمها )
)بمنطقة بودا – Buda
دغري على الكنيووون westend city mall budapest ( اكبر مجمع تجاري ببودبيست )
يوم 7: العودة الى المجمع التجاري
ثم الانتقال الى معالم بودبيست منها:
•Castle Hill
•Parliament
•Danube River
•St.Stephan’s Basilica
•Szechenyi Chain Bridge
بودبيست معالمها بتجنن وبتشابه بنياتها ڤيينا واسعارها ارخص من النمسا وحتى من المانيا
بس منبسطناش فيها ممكن بسبب الإنتقال السريع من الخضار والطبيعة والهدوء الى مدينة تعم فيها الضجة.
سكان بودبيست معظمهم بعرفوش انچليزي ولا كلمة، خشنيين الي صعب تتفاهم معهم ما بتحسّ ولا متعصبنين وانت مش فاهم ليش
ولا كلمة، خشنيين الي صعب تتفاهم معهم ما بتحسّ ولا متعصبنين وانت مش فاهم ليشبحبوا يعزموا كثير عليك دخان وممنوعات…
بقطعوا اشارة ضوئية حمراء( إن كانت سيارة او الناس على ممر المشاة)
الشوارع عندهم ملانة ملانة ملانة ! سجاير ( شعب بعشق التدخين)
لا ابالغ، كل كم دقيقة بتمرق سيارة شرطة ووراها سيارة إسعاف
ضروري تصرف من يورو ل فورنت ( كل 1 يورو عبارة عن 323 فورنت)
لانهم بقبلوش ولا بمكان يوخذوا اليورو الا بكم مكان بس برجعولك فورنت مش يورو..
بعد الساعة 7:00 بنقلب الشارع
بصير ملان ناس مشردة وسراقيين و و….
• بالنمسا مثلًا الparking اول ساعتين مجاني
عندهم ؟دشرنا السيارة 10 دقائق، اعطونا مخالفة
يوم 8: اليوووم المنتظر
الإنتقال من بودبيست والعودة الى النمسا 
طبعًا منسيناش انه فوتنا جبل Dachstein Gletscher
إنتقلنا من بودبيست الى جبل Dachstein
ارتفاعة يقارب3000 متر!
( بعيد 5 ساعات)
الوصول الى الجبل والصعود،منظر بجنن!
مسار مشي قصير بس يستحق الصعود عليه والمنظر فيه يستحق العودة من بودبيست .
.كمان يشمل المسار زيارة كهف جليدي بداخله اشهر معالم بكل انحاء العالم مصنوعة من الثلج
درجة حرارة الكهف -10 / -9
قررنا الرجوع الى مبيتنا السابق في سالزبورغ بس ما كان مكان النا
كل الفنادق والشقق وحتى zimmer محجوزات
يومها كان عيد..
تذكرنا ال4€ ل (0-24hour ) في منطقة
في منطقة Sankt gilgen – سالبزروغ,مفكرناش مرتين الرجوع اليها.
( بعد ساعتين بالسيارة)
كان المبيت بسيارة جدًا مريح ومرح
اولًا نوع سيارتنا كانت عائلية الي وسيعة ومريحة
وثانيًا مش لحالنا، كان اكثر من 4 سيارات معنا
الي عملنا جَوْ..
يوم 9:
الانتقال من مبيت Sankt gilgen الى حديقة حيوانات سالبزروغ
Sankt gilgen الى حديقة حيوانات سالبزروغZoo Salzburg Hellbunn
( بعيدة 48 دقيقة بالسيارة)
يتواجد فيها اكثر من 1200 حيوان
واحلى اشي فيها انه الحيوانات كثير قريبة عليك بالمسافة، مش موجودة ب اقفاص و اسياج طويلة و و …
ثم الانتقال الى ميونخ – المانيا
( بعيدة ساعة ونصف بالسيارة)
اكلنا ولفلفلنا بشوارعها لمدة ساعتين وقدحنا
لانه مكانتش من مخططنا نزورها..
ثم الانتقال الى ڤيينا الى نفس المبيت الاول
( 3 ساعات ونصف بالسيارة )
يوم 10: الذهاب الى شارع kärntner Strabe
فيه كل الماركات العالمية ومنه بتوصل معظم معالم ڤيينا منهن :
Stehansdom
Schonbrunn Palace
Belvedere Palace Museum
Imperial Palace (Hofburg)
صدفة واحنا بالشارع منتفتل شوفنا شخص معاه كيس من primark !
سألناه وين المكان وهل فعلًا في primark بڤيينا ؟ الي معروفة باسعارها الباهظة
إنتقلنا للمكان الي اعطانا اياه
طلع مش primark لحاله موجود
مجمع تجاري عملااااااااااق !
( بعيد نصف ساعة عن ڤيينا) عبارة عن 300 متجر او اكثر !
اسمه SCS – shopping city
على مساحة 225 الف متر!
الحنييون بيوسع 10,000 سيارة
موجود فيه كل الشركات العالمية الي بتعرفها وبتعرفهاش
والاسعارر ؟ رخيصة جدددًا مقارنتًا باسعار ڤيينا المدينة
انبسطنا فيه كثير وحتى لفينا كله اخذ (6-5ساعات)
رجعنا على ڤيينا
وسهرنا سهرة اخيرة بالنمسا
وعُدنا للمبيت
يوم 11: للمطارر ( بعد نصف ساعة عن ڤيينا بالسيارة)
مطار ڤيينا كثير كبير بس بتوهش..
السلبية الوحيدة فيه انه بفتح كلشي على 6:00 الصبح رغم انه مطار يعني المفروض 24/7
رغم انه مطار يعني المفروض 24/7– نصائح من رحلتنا
– تعملش حڤيلا من البلاد للتلفون,في شركة بالنمسا اسمها -T- mobile بتتواجد بكل مكان 10 چيكا ب 10€ ( بس انترنت).
– اذا بدك تلفلف كثير مناطق وبتحبش تتقيد بالوقت وتحرق وقت، استئجر سيارة،بتروح وبتيجي وين بدك وفي مناطق رحنا عليهن بوصلهنش لا قطار ولا باص..
– مفضل استئجار سيارة حسخونيت- اقتصادية الي متصرفش كثير،10 ايام3000 كم كلفنا 600-650₪ .
– فش اشي اسمه ب ڤيينا وبودبيست free parking كله في عليه دفع وفي اشارات مكتوبة بلغتهم بتمنع parking، مفضل شراء ورقة من traffic ب 3€ لكل اليوم او بتوكل مخالفة من 20-30€ ( اكلنا وحدة ببودبيست)
)– مفضل معرفة نوع عقد استئجار السيارة، احنا العقد كان النمسا وهنغاريا وسولفاكيا ( مندفعش جمرك الدخول) بس دفع للhighway بهنجاريا ( 10 ايام ب14€)، وبالنمسا مجاني حسب عقدنا.
– شراء اكل ومستلزمات بس من سوبرماركت Billa و Spar موجودات بكل المناطق ( رخيص)..
– معظم الفعاليات ٣/٤ بتسكر على 5:00pm.
– المجمعات التجارية معظمها بتسكر على 9:00pm
– السوبرماركت من 7:00 حتى 19:00
– بعد الساعة 10:00 الparking بصير free
– سبت وأحد (weekend ) بصير free parking
إضافة تعليق